Missionary-te Ṭhian (Missio-Ship) lehkhabu thlirna by Lalhimpuia

Tun kum tir lamah Tahan Theological College zirlai pahnih Lalremruata TL leh Gabriel C Lalrohlua te chuan “Missionary-te Ṭhian (Missio-Ship)” tih lehkhabu kan kawmchar maiah an an han tlangzarh a. Letpanchaung lamah ka u Mangheta Mattea nen nula pathum kan va thlah avang leh sawmna hriat chian loh avangin ka tel ve ta lo kha chu a pawi chu ka ti tho. Rilru tihnat loh nan tiin ka sawi chhuak duh lo va ni.

Tun thleng hian ka la chhiar ve lo va, tuna post ka ziak pawh hi ka inthlahrung viau nan, ‘hei hi’ ka sawi dawn a ni. Review leh lehkhabu an fakna bakah a ziaktu hnen ngei aṭanga chhut dik loh neuh neuh avanga insawi fiahna te ka lo chhiar ve vek a. Chu’ng ṭhenkhat chu ka rawn tarlang ve duh a ni.

Jimmy Ngaih hi lehkhabu review (faksel)-tu a ni a, a fakselna hi he lehkhabu chungchanga ka thil chhiar hmasak ber a ni. Hetiang hian; “Lehkhabu reng reng kan chhiar hmaa kan en hmasak ber ṭhin chu, a kâwm (Cover) hi a ni tlangpui ṭhin. A kâwmah eng ang thlalak nge awm? tih te, a hnung lamah eng thu nge inziak? tih te, leh a kâwm leh a lehkhabu hming a inmil em? tih te hi kan chĩk hmasak ber ṭhin chu a ni. Chumi tehna zawn aṭanga thlir chuan he lehkhabu hming leh a cover hma lama thlalak an dah – Isuan kraws a pu lai lem hi a inmil lo deuh em? tih min ngaihtuahtir a, a hnung lama Isua leh a zirtirte thlalak ni âwm tak anga lang hi a kâwm hma lamah dah ta se, Isua Kraws pu lai lem hi a hnung lam cover-ah dah zawk thei ta se la, a bu hming nen a inmil zawk viauin ka ring deuh,” a sawi. (A lehkhabu pawh ka post tel hi in lo en ve dâwn nia.)

A ni ngawt mai ‘Missionary-te Ṭhian’ ti ve siin Isua ‘amah chauhva’ kraws a pu lai a kawm (chu pawh a hma kawm!)-ah an han dah chu a inmil vak lo hle mai ka lo ti ve suap a. Mahse a ziaktu – khaw te Tlangval 2 – hian comment-na ni lovin post pangngaiin a rawn ziak ka han hmu chu min hneh hle a ni. “Missionary-te Țhian lehkhabu hi, a hming ațang rengin a ngaihzawn awm loh khawp mai. A chhan chu a thawktu pawl ni lova, a sawitu leh reltu pawl, sumpai lama ram țang kan tam vang a ni thei awm e.A cover-a Isua Kross pu lai hian khawvel sual zawng zawng phur a. Kalvari tlang zawhna kawnga a mal kal hi, kal puitu a mamawh hle a ni tih hriat nan, a hnung lam cover-ah hian a țhiante nena sengkhawm hna a thawh pui ang a. Keini pawhin, ‘Aw Isu, kross kha kan lo put pui ang che. I ruala sengkhawmhna thawk turin i țhianah kan inpe e,’ tihna lam a kawk a ni,” a rawn ti ta zaih mai.

A kawm aṭang mahin heti hi a ni tawh a, a chhung thu chu engtiang tak ni ang maw? Ka lehkhabu chhiar lai pakhat nichin mai khan ka chhiar zo va, eng nge ka chhiar chhunzawm leh ang, ka ti rilru mek a ni. Ka chhiar chak tawh khawp mai. Tunah hian ka u Msa Sawmtea lei sa hi chhiar theihin kan inah, chhuarah a inhung ran a ni. Lehnghâl a! A duh chuan ngaihven ve rawh u. A duh lo pawh khan ngaihsak ve rawh u. Inchhîrna tur hi a ni dâwn lo lutuk, ka ti mai.


Comments

Post a Comment

Popular posts from this blog

Maimawm(Spider)

Maimawm te hi pianphung danglam tak, ke pariat nei nungcha te an ni a. Khawvelah hian maimawm chi hrang hrang rawng in ang lo leh intiat lo an tam hle. Thil nung zir chiang tu te(taxonomists) chuan khawvelah maimawm chi 48200 chuang vel awm angin an chhut. Thlai hnah ei chi te, mahni chi pui ei chi te, thil nung dang ei chi te pawh an awm. A then phei chu tur chak tak neiin mihring tan pawh thihpui theih hial a ni. Savawm hial ei thei te pawh hmanlai hunah chuan an awm a ni awm e. An lian rem rem dawn hle a nih chu. An ril hi te viau mah se khauh tak leh nghet tak mai a ni a. An awmna tur hmun an siam hian anmahni pianphung angina an siam tlangpui thin. An rilzam te hi tuiril chikhat fei tak si niin thliin a chhem hian an in sak chu a nghet tawlh tawlh a ni. An rauhsan tawh in te chu maimawm dang ten an ril siam leh nan an ei thin. Pathian thilsiam danglam tak leh mak tak mai hi hringfa ten an zirchiang a, khawvel lemchan hlawhtling ber zinga mi ‘Spider Man’ pawh khawvel a dengchhuak h...
Read more

MISSIONARY-TE ṬHIAN

Image
Thuhmahruai A hmasa berin, Missionary-te țhian tih lehkhabu khawr pum thei tura Lalpan damna, chakna leh thlarau pawltharna kan chang hi kan lawm hle a ni. 1. Ziah Chhan Mission(Chanchin țha) lam sawi chuan mitin mai hi kan tui em em a. Mahse, tunge sengkhawmhna thawk turin ke rawn pen chhuak ang ti ila, kan mit leh mei kan khup leh zul zul si a. Mahni kal aiin țhenawmte emaw, țhiante emaw tute emaw kal se tih kan rilruah a lo lang nghal a. He lehkhabu kaltlanga veitu nih mai a tawk lova, pen chhuaktu ni ve ngei turin chona leh sawmna tlangau aw a ni.Isua khan, ‘Thu ka pek che u in tih chuan ka țhiante in ni ang,’(John 15:14). He laia țhian a tih hi Greek țawngbul lamah chuan Philo tih a ni a. He Philo hi hrilhfiah dan hrang a tam a; chung zinga pakhat chauh lo sawi ta ila. Chu chu Zuitu tihna emaw Rinawm tihna a ni awm e. Thuthlung Hlui lamah chuan Pathian chu Missionary hna thawktu a ni a. Thuthlung Thar lamah chuan Lal Isua hi Missionary hna thawktu a ni leh a. Chu missionary hna ch...
Read more

ISUA LEH LITERATURE

Isua zirtirna leh thusawi te chu thuthlung thar lamah a zirtir ten an ziak a. A hun hmang dan leh Isua nen in kaihnawih thil tamtak chu record in a awm a ni. Mahse mi tamtak zawhna chu ‘Engvang nge Isuan kan tan a ma thuziah ngei min hnutchhiah loh? Lehkha a ziak thiam tho ni lo mi? A ziak thiam tho si chuan engvanga ziak lo nge a nih?’ tih te hi a ni. Thuthlung thar ziak tuten Isuan ziak leh chhiar a thiam thu min hrilh a. Luke 4:16-21-ah Isuan Isaia lehkha bu a chhiar thu kan hmu a ni. He ta kan hmuh chu Isua khan lehkha chhiar a thiam ngei a ni tih hi. Chhiar mai ni lo midang zirtir thei khawpin thiamna ability tha tak neiin ziritir tu a ni bawk. Chanchin tha Johana 8: 3-9 a uire nu kha Mosia dan anga tih hlum tur nge thlah zalen tur tia zawhna an zawh lai khan Isuan leiah thil eng nge maw a ziah thu kan hmu leh bawk. Eng nge a ziah ber erawh kan hre thei lo. Mahse thu a ziak ngei a ni tih chu kan hre thei a ni. Ziak leh chhiar a thiam zia a chunga kan tarlan atang khian a ti chiang...
Read more