China virus leh kei
ᴄᴏᴠɪᴅ-19 ʟᴇʜ ᴋʜᴀᴡꜱɪᴋ
Rilru-in chak hle mah se taksa hian a tawiawm theih tak si lohah chuan suangtuahnaa khawvel din chu ka tihtheih tawk a ni ta. Chu ka khawvel Dinah chuan lengin hmun hrang hrang ka fangkual a, taksa thlen theih lohna hmun pawh ka suangtuahna khawvelah chuan ka thleng chiang kher mai. Mahten ka hlim veng veng mai a ni. Mahse hlimna erawh a famkim si lo famkim lo mah se thlang tur dang ka nei lo. Nihnih zet khumbeta natna-in min sawisak lai, min sawisa lo min pawngsual zawk.
Rilru hi chau thei ni ngat se ka hman nasat lutuk avang chuan a vui ngei ang. Awm khawhar changa kan thiantha ber chu kan rilru hi a ni a, philosopher ropui em em Dr. Tuaia pawn ‘ Rilru a ni rilru’ a tih kha a dikzia ka hmuhchhuah phahin ka hria. Rilru, taksa leh thlarau hi a dam loh chuan harsatna kan tawk thin. Mihring ten kan tihsual fo mai chu taksa dam loh chauh hi buaipuiin rilru leh thlarau lam kan hlamchhiah thin hi a ni. Rilru a dam loh chuan taksa leh thlarau hian a tawrh phah a; chutiang bawkin thlarau pawh mahse taksa a dam loh erawh chuan rilru leh thlarau tan chaw a ni deih thung. Hei vang hi nia taksa dam loh hi malsawmna ka tih ni.
Tunlai boruak hrileng(covid-19) kara taksa dam loh chu tun hma ang a ni lova ngaihtuahnaah virus a kai em ni? Zawhna chawp leh chilhin a lut nghal a. Tumah dem theih kan ni lo Covid-19 lanchhuahna chu khawsik hi a ni miau lawm. Keimah ngei pawh ka in ringhlel a nih kha maw. Tamu khawpuiah kalin restaurant-ah chaw eiin public hmang thin chawthleng leh fian te hmangin in tura an dah tui ka in te leh ID siamna office-ah mitin mihrang khawi hmun atanga lo kal nge tih pawh hriat loh te nena kan thut dun thu te hi hrilh che ni I la chuan china virus a kai a ni ngei ngei ang min tih ngei ka ringhlel love.
Chu mai a la ni lo Tamu atanga Zohmun haw kawngah ka pang a sa tan chauh tih hi hrilh che ni phei I la chuan Inbox-a ‘Virus I kai a ni lo maw, in check tir rawh’ tia min fiam te kha duhtawk mai lovin ‘Eng vangin nge inah I tawm loh, I fimkhur loh vang a nih kha, tunlai boruakah khual khuaa zin reng reng I mawl chhah lutuk, in khua in tam loh nen thehdarhtu I ni dawn sin, kan ram sawrkar that loh nen Saya David ang khan virus thehdarhtu-ah puhin jail bang I zut dawn sin’ pawh in ti lo ang tih pawh a sawi theih loh. Ka hrilh lo che u kha ka vannei ngawt mai, hehe.
Ka khawsik chhan nia ka rin chu Mytel company lamin dar 11 hnu lama hman tur bonus tha hnem tak min pek, am taka ka hmang vang leh zinkawnga ruahpuiina min nuai vang ni berin ka hria. Mut kham loh vang leh nitin deuhthawa cement chawh vanga taksa lo chau sa nen khur hlawk hlawka bike ka khawlh avang te pawh a ni ang. Tuna khawvel zinkawnga ka hmang mek ka taksa committee member ten a ni thei tawh lo kan pu hi a taksa a hmang rim tawh lutuk tiin emergency committee an ko a. Taksa bung hrang hrang lungawi lo au aw an ngaihtuahna hnu chuan khumah hahdam taka chawlh tir ni rawh se tiin ro an rel a ni ngei ang. Mut kham hnura ka awm tak hi.
Covid-19 hi mihring siamchawp ni mah se Pathian remtihna avanga hlawhtling an ni tih hi kan hriat a tha. Khawvel mihring ten tuar nasa mah I la kan chenna khawvel erawh amah ti chhe thei khawl chi hrang hrang te hna chawlh tir an nih avangin dam lam a pan mek chu a nih hi. Mihring te natna in min tlakbuak pawh hian min siamtu lam kan hnaih phah a, min hmangaihtu leh thiantha te pawh kan hriatchian theih phah bawk. Kan taksa hian rei tak min dampui a duh a, uluk leh fimkhur taka enkawlin amah ti chhe thei ruihhlo chi hrang hrang lak ata kan zalen tir a pawimawh hle a ni.
A siamtu duhdana chet tirin a ropui nan leh a ram a zauh zel theih nan te, mawlna-in a phuarbeh ten zalenna an neih theih nana thawk tur te, thlarau bo chhanchhuah hna thawk tur te, vakvai leh kalbo hruaichhuak tur chuan kan taksa hi a hrisel a ngai a, enkawl chu kan hna a ni.
Kan suangtuahna a hlawhtlin theih nan kan lei taksa a hrisel a pawimawh hmasa a ni.
Rilru-in chak hle mah se taksa hian a tawiawm theih tak si lohah chuan suangtuahnaa khawvel din chu ka tihtheih tawk a ni ta. Chu ka khawvel Dinah chuan lengin hmun hrang hrang ka fangkual a, taksa thlen theih lohna hmun pawh ka suangtuahna khawvelah chuan ka thleng chiang kher mai. Mahten ka hlim veng veng mai a ni. Mahse hlimna erawh a famkim si lo famkim lo mah se thlang tur dang ka nei lo. Nihnih zet khumbeta natna-in min sawisak lai, min sawisa lo min pawngsual zawk.
Rilru hi chau thei ni ngat se ka hman nasat lutuk avang chuan a vui ngei ang. Awm khawhar changa kan thiantha ber chu kan rilru hi a ni a, philosopher ropui em em Dr. Tuaia pawn ‘ Rilru a ni rilru’ a tih kha a dikzia ka hmuhchhuah phahin ka hria. Rilru, taksa leh thlarau hi a dam loh chuan harsatna kan tawk thin. Mihring ten kan tihsual fo mai chu taksa dam loh chauh hi buaipuiin rilru leh thlarau lam kan hlamchhiah thin hi a ni. Rilru a dam loh chuan taksa leh thlarau hian a tawrh phah a; chutiang bawkin thlarau pawh mahse taksa a dam loh erawh chuan rilru leh thlarau tan chaw a ni deih thung. Hei vang hi nia taksa dam loh hi malsawmna ka tih ni.
Tunlai boruak hrileng(covid-19) kara taksa dam loh chu tun hma ang a ni lova ngaihtuahnaah virus a kai em ni? Zawhna chawp leh chilhin a lut nghal a. Tumah dem theih kan ni lo Covid-19 lanchhuahna chu khawsik hi a ni miau lawm. Keimah ngei pawh ka in ringhlel a nih kha maw. Tamu khawpuiah kalin restaurant-ah chaw eiin public hmang thin chawthleng leh fian te hmangin in tura an dah tui ka in te leh ID siamna office-ah mitin mihrang khawi hmun atanga lo kal nge tih pawh hriat loh te nena kan thut dun thu te hi hrilh che ni I la chuan china virus a kai a ni ngei ngei ang min tih ngei ka ringhlel love.
Chu mai a la ni lo Tamu atanga Zohmun haw kawngah ka pang a sa tan chauh tih hi hrilh che ni phei I la chuan Inbox-a ‘Virus I kai a ni lo maw, in check tir rawh’ tia min fiam te kha duhtawk mai lovin ‘Eng vangin nge inah I tawm loh, I fimkhur loh vang a nih kha, tunlai boruakah khual khuaa zin reng reng I mawl chhah lutuk, in khua in tam loh nen thehdarhtu I ni dawn sin, kan ram sawrkar that loh nen Saya David ang khan virus thehdarhtu-ah puhin jail bang I zut dawn sin’ pawh in ti lo ang tih pawh a sawi theih loh. Ka hrilh lo che u kha ka vannei ngawt mai, hehe.
Ka khawsik chhan nia ka rin chu Mytel company lamin dar 11 hnu lama hman tur bonus tha hnem tak min pek, am taka ka hmang vang leh zinkawnga ruahpuiina min nuai vang ni berin ka hria. Mut kham loh vang leh nitin deuhthawa cement chawh vanga taksa lo chau sa nen khur hlawk hlawka bike ka khawlh avang te pawh a ni ang. Tuna khawvel zinkawnga ka hmang mek ka taksa committee member ten a ni thei tawh lo kan pu hi a taksa a hmang rim tawh lutuk tiin emergency committee an ko a. Taksa bung hrang hrang lungawi lo au aw an ngaihtuahna hnu chuan khumah hahdam taka chawlh tir ni rawh se tiin ro an rel a ni ngei ang. Mut kham hnura ka awm tak hi.
Covid-19 hi mihring siamchawp ni mah se Pathian remtihna avanga hlawhtling an ni tih hi kan hriat a tha. Khawvel mihring ten tuar nasa mah I la kan chenna khawvel erawh amah ti chhe thei khawl chi hrang hrang te hna chawlh tir an nih avangin dam lam a pan mek chu a nih hi. Mihring te natna in min tlakbuak pawh hian min siamtu lam kan hnaih phah a, min hmangaihtu leh thiantha te pawh kan hriatchian theih phah bawk. Kan taksa hian rei tak min dampui a duh a, uluk leh fimkhur taka enkawlin amah ti chhe thei ruihhlo chi hrang hrang lak ata kan zalen tir a pawimawh hle a ni.
A siamtu duhdana chet tirin a ropui nan leh a ram a zauh zel theih nan te, mawlna-in a phuarbeh ten zalenna an neih theih nana thawk tur te, thlarau bo chhanchhuah hna thawk tur te, vakvai leh kalbo hruaichhuak tur chuan kan taksa hi a hrisel a ngai a, enkawl chu kan hna a ni.
Kan suangtuahna a hlawhtlin theih nan kan lei taksa a hrisel a pawimawh hmasa a ni.
Comments