Missionary- te Țhian Lehkhabu thlirna by Lalzamawia Ralte

A hming: Missionary- te Țhian

Phek zat: 172

Ziaktute: Gabriel C. Lalrohlua& Lalremruata TL

Mizote hi kristian kan nih tirh phat ațanga Chanchin țha hril vei nghal em em mai kan ni țhina. Ringtu hmasa te khan, miten Chanchin țha hi lo hre ve se an duh țhin em a vangin Pathian thu hrilin an vak chhuak suau suau țhin a ni. Chutih hun lai boruak hria te chuan” Mizo kristian zawng zawng chu Missionary an ni vek mai” tiin an sawi hial a ni. Khingte khi hriat a nuam hle a, Mizote hi Chanchin țha hril tura Pathian zawn chhuah hnam kan ni- an tih țhin nen pawh a inhmeh hle.

Amaherawh chu, hun a kal zela, kristian kan nih ațanga kum 100/ a han her liam meuh chuan khawvel hmasawnna leh changkanna te’n kan rilru a la peng nasa ta em ema. Tunlai thil ngâinatna te chuan min lem zo tak ngial dawn ta emaw tih mai turin kan awm ni hian alanga. Kohhranho te pawh” Chanchin țha hril hi Kohhran dinchhan leh a hna pui a ni” ti chung zel siin Biak in leh bungrua neih țhat lamah kan intlansiak vut vut a.

Chutiang chu kan tunlai boruak a nih mek laiin Tahan Theological College-a M.Div zirlai tlangval pahnih Gabriel C. Lalrohlua leh Lalremruata TL te chuan Chanchin țha hrilna kawnga kan muthlu min kai harhtu tur țha tak, kil hrang hrang ațanga Mission an thlirna , Mission(Chanchin țha) puandarh kawnga hriattur pawimawh tinreng an funkhawmna lehkhabu ” Missionary- te Țhian” tih chu mitin chhiar theih turin an ti chhuak ta hlauh mai.

He lehkhabu ziaktute hi mi namai an ni lo a, he lehkhabu an ziah pawh hi Mission an veina tak tak ațanga rawn luang chhuak a ni. Gabriela hi Mizoram Synod Bible School ațangin C. Th a zirzo tawha, second toper a ni nghe nghe. Mission foundation Movement, Bawngkawn- Aizawl ațangin M.T.S zirzo lehin toper hial a tlinga. Chumi hnu chuan Missionary Training School, Bawngkawnah zirtirtu hna a thawk tawh bawka. Tin, Mizoram Synod Mission Board hnuaiah kum 2010-2017 chhung khan Nepal-ah Evangelist Missionary hna a thawk tawh bawka. Hetia rawng a bawl pah hian B.BS a zo leh a ni. Tunah hian Tahan Theological College- ah M.Div(3″ Year) a zir mek bawk a ni. Tin, lehkhabu țangkai tak tak pakua(tuna mi nen hian) a ziak tawh nghe nghe. A chanchin tawite ațang chauh pawh hian Mission a vei zia te, Pathian thu zirna kawnga a tuizia te chu hai rual a ni lo ang. Hniam tak ațanga bul rawn țanin a bei chho zela, tumruh tak leh Pathian rinchhan chung zelin tun dinhmun hi a thleng ta a ni.

Tv. Lalremruata TL hi Zohmun- Myanmar tlangval chhuanvawr a ni thunga. Kawl țawng thiam duhin kawl kârah te school a kal zar zara. Tunlai China mi hausa Jack Ma- in sap țawng a thiam duh vanga thingpui dawrah a thawk zar zar ang khan Tv. Ruata pawh hi a lo thawk ve hrep tawh a ni. A tum bawka, kawl țawng a thiam țha mai ni lovin kawl zeizia a manin mi biangbiak pawh a thiam hle. Tunah hian TTC ah M. Div( 2″ Year) a zir meka. Nikum thal chawlh khan Inn Lay Mission field ah Short term Missionary in a kal tawha, tun țhal chawlhah hian kal leh a tum bawk a ni. Nikum khan Mission field-a naupang pahnih( pawl 10- zir tur) te chu Pathian rinchhan tak meuhin Tahan khawpuia lehkha zir turin a rawn hruai haw ve tawp maia, krismas-ah pawh an khawhar hlau in khuaah a rawn hruai haw leh zela. Țhiante nen hlim taka inkawm vel pawh thlahlel hleithei lovin ramthim naupang pahnih a chhawm hnak hnak reng mai a ni. Amah hi kum 22/ mi vel chauh a ni tih han hriat phei chuan…a mak hial zawk awm e.

Kan tlangvalte pahnih, Chanchin tha hril vei em em ten an zir hriat leh an chhiar hriat mai ni lo, an tawnhriat ațang ngeia an buatsaih he lehkhabu hian min la kai harh zo lo fo a nih chuan, thil dang chuan min kai harh mai mai tawh lo ang tihhi ka sawi duha. He lehkhabu hi lei la, chhiar la, he khawvela kan pian chhan leh kan hna pui ber hi lo hre ve ta che. He lehkhabu i lei hian lehkhabu chhuak thar pakhat i lei satliah a ni ngawt lo a, Pathian ram zau nan i luang chhuak ve tih i lo hre dawn nia. Chuti chuan, midangte tan malsawmna i lo nih bakah nangmah ngei pawhin Pathian malsawmna i dawn let ngei ka ring tlat bawk a ni.

(Lalzamawia Ralte hi he lehkhabu min tlangzarh saktu niin lehkhabu lar tak 'Khawte Tlanval' author a ni bawk)


Comments

Post a Comment

Popular posts from this blog

Maimawm(Spider)

Maimawm te hi pianphung danglam tak, ke pariat nei nungcha te an ni a. Khawvelah hian maimawm chi hrang hrang rawng in ang lo leh intiat lo an tam hle. Thil nung zir chiang tu te(taxonomists) chuan khawvelah maimawm chi 48200 chuang vel awm angin an chhut. Thlai hnah ei chi te, mahni chi pui ei chi te, thil nung dang ei chi te pawh an awm. A then phei chu tur chak tak neiin mihring tan pawh thihpui theih hial a ni. Savawm hial ei thei te pawh hmanlai hunah chuan an awm a ni awm e. An lian rem rem dawn hle a nih chu. An ril hi te viau mah se khauh tak leh nghet tak mai a ni a. An awmna tur hmun an siam hian anmahni pianphung angina an siam tlangpui thin. An rilzam te hi tuiril chikhat fei tak si niin thliin a chhem hian an in sak chu a nghet tawlh tawlh a ni. An rauhsan tawh in te chu maimawm dang ten an ril siam leh nan an ei thin. Pathian thilsiam danglam tak leh mak tak mai hi hringfa ten an zirchiang a, khawvel lemchan hlawhtling ber zinga mi ‘Spider Man’ pawh khawvel a dengchhuak h...
Read more

MISSIONARY-TE ṬHIAN

Image
Thuhmahruai A hmasa berin, Missionary-te țhian tih lehkhabu khawr pum thei tura Lalpan damna, chakna leh thlarau pawltharna kan chang hi kan lawm hle a ni. 1. Ziah Chhan Mission(Chanchin țha) lam sawi chuan mitin mai hi kan tui em em a. Mahse, tunge sengkhawmhna thawk turin ke rawn pen chhuak ang ti ila, kan mit leh mei kan khup leh zul zul si a. Mahni kal aiin țhenawmte emaw, țhiante emaw tute emaw kal se tih kan rilruah a lo lang nghal a. He lehkhabu kaltlanga veitu nih mai a tawk lova, pen chhuaktu ni ve ngei turin chona leh sawmna tlangau aw a ni.Isua khan, ‘Thu ka pek che u in tih chuan ka țhiante in ni ang,’(John 15:14). He laia țhian a tih hi Greek țawngbul lamah chuan Philo tih a ni a. He Philo hi hrilhfiah dan hrang a tam a; chung zinga pakhat chauh lo sawi ta ila. Chu chu Zuitu tihna emaw Rinawm tihna a ni awm e. Thuthlung Hlui lamah chuan Pathian chu Missionary hna thawktu a ni a. Thuthlung Thar lamah chuan Lal Isua hi Missionary hna thawktu a ni leh a. Chu missionary hna ch...
Read more

ISUA LEH LITERATURE

Isua zirtirna leh thusawi te chu thuthlung thar lamah a zirtir ten an ziak a. A hun hmang dan leh Isua nen in kaihnawih thil tamtak chu record in a awm a ni. Mahse mi tamtak zawhna chu ‘Engvang nge Isuan kan tan a ma thuziah ngei min hnutchhiah loh? Lehkha a ziak thiam tho ni lo mi? A ziak thiam tho si chuan engvanga ziak lo nge a nih?’ tih te hi a ni. Thuthlung thar ziak tuten Isuan ziak leh chhiar a thiam thu min hrilh a. Luke 4:16-21-ah Isuan Isaia lehkha bu a chhiar thu kan hmu a ni. He ta kan hmuh chu Isua khan lehkha chhiar a thiam ngei a ni tih hi. Chhiar mai ni lo midang zirtir thei khawpin thiamna ability tha tak neiin ziritir tu a ni bawk. Chanchin tha Johana 8: 3-9 a uire nu kha Mosia dan anga tih hlum tur nge thlah zalen tur tia zawhna an zawh lai khan Isuan leiah thil eng nge maw a ziah thu kan hmu leh bawk. Eng nge a ziah ber erawh kan hre thei lo. Mahse thu a ziak ngei a ni tih chu kan hre thei a ni. Ziak leh chhiar a thiam zia a chunga kan tarlan atang khian a ti chiang...
Read more