CHAKLOHTIRTU
Hmeithai zu zuar nu in chu a thim ruih a, in chung lam atang chuan eng fiah lo tak hian in chhunga awm te chu a chhun paw ruih a, chu dawrah chuan eng rawng mah a langsar lo. Sual rawng tih loh chu. Tlangval hmel fai ving veng, a hmel enin zu in ngai lo tih hriat reng mai chu mittui nen a zu no chu dawmin a thiante titi pawh zawm si lo hian a khat tawkin a in ve zeuh zeuh a. Tih tur ber pawh hre lo tih loh ber tur pawh hre chuang lovin a hun hlu tak chu a hmang thin.
A chhungte leh thiantha te pawn Pastor ni tura an rin Bible degree pawh lo sualchhuak ve tawh kha a nia. Hetia a awm ta mai hi a chhanchin hria apiangte mak tih a hlawh a ni. Tlangval fel tak mai kha fapa tlan bo ang maia a nun a chen ta mai hi mak tih loh rual a ni lo. A nun chu a ngui a, a hmelah hlimna hmuh tur a khat ta. He zu dawra kal thin te chuan a neitu tlukin an chian tawh a, a mikhual lo.
Tun hma zawng kha chuan tlangval zaidam, kohhran leh khawtlanga a kul a taia in hmang thin kha a nia. Nula tam tak pawn zah pawh dawn lova chhungkaw dinpui tura an sawm kha a ni thin. Mahse hmangaihna pial thlepah a tawlhthlu a, a thlakhlel hmangaihna chu a kumkhaw nun ti chhetu a ni ta a. Mite’n an hlimpui hmangaihna chu a ni chuan a tahpui thung. Mihringah hian inhnangfakna tur nei ta lova a inhriat hnuin zu hmunah a inhnangfak ta thin a nih hi.
Chu tlangval tan chuan nimin kha bumtu a ni a, vawiin pawh hi hrehawmna. Naktuk pawh beidawnna khua ti sei thlawn mai mai tur ani. A harhfim chang hian a mitthlaah nula Pakhat a lo lang thin a. Chu nula a lo hmangaih thin chu khawvela a inchhirna tawp hleithei lo siamsaktu chu a ni. A chhia leh tha pawh thlu lovin hmingchhiat leh mualpho pawh a dawn thei tawh lo. Chu tlangval chu a nula in a kalsan ni atang khan a nun a buai a. Tlangval zu ngawl vei leh that tum loa an tih pawn a ngai pawimawh tawh lo. Khawvel hi chenna tlakah a ngai tawh lova dam ai thihna hian a nun hrehawmna a tihdam theih a ring a ni. Mahni inthah em chu a hreh deuh avangin zu lama tlan chu a ni.
A nun chhungril beidawnna hi a nasat tawh em avangin Pathian thu hmang pawha thawi dam theih a ni tawh lo. A thawi dam thei tu berin khiang a awi san tawh si. Rinawmna thutiam vawng nunga piallei thuahriat hnuaia an zalh hun thlenga zu dawt chu a thuthlukna a ni. Ni e, kum nga chhung teh meuh hmangaihna hruikhat vuana hmathlir thui tak nei chunga zirna run bel kha a nia. An duhduhsam ang chu ni se Bible degree a sualchhuah zawh hunah in nei tur kha an ni. Mahse a duhthusam te chu virthli in a len bo pui tawh. Nula pakhat vang maia a nunin chhiat lam a pan ta hi chu amah ngei pawn awm lo a ti ve tho.
Khawvelah hian hmangaih a nei a, huat pawh a nei. Van hnuaiah hian dem em em leh anchhe tinrenga a umzui tak a awm a. Chu chu mihring pakhat a ni. Mahse tuna a dinhmun thlak danglamtu dik tak chu tudang ni lovin ‘amah’ chu a ni tih erawh a inhrechhuak zo si lo. Chu lam pawh a ngaihtuah pha tawh lo.
A chhungte leh thiantha te pawn Pastor ni tura an rin Bible degree pawh lo sualchhuak ve tawh kha a nia. Hetia a awm ta mai hi a chhanchin hria apiangte mak tih a hlawh a ni. Tlangval fel tak mai kha fapa tlan bo ang maia a nun a chen ta mai hi mak tih loh rual a ni lo. A nun chu a ngui a, a hmelah hlimna hmuh tur a khat ta. He zu dawra kal thin te chuan a neitu tlukin an chian tawh a, a mikhual lo.
Tun hma zawng kha chuan tlangval zaidam, kohhran leh khawtlanga a kul a taia in hmang thin kha a nia. Nula tam tak pawn zah pawh dawn lova chhungkaw dinpui tura an sawm kha a ni thin. Mahse hmangaihna pial thlepah a tawlhthlu a, a thlakhlel hmangaihna chu a kumkhaw nun ti chhetu a ni ta a. Mite’n an hlimpui hmangaihna chu a ni chuan a tahpui thung. Mihringah hian inhnangfakna tur nei ta lova a inhriat hnuin zu hmunah a inhnangfak ta thin a nih hi.
Chu tlangval tan chuan nimin kha bumtu a ni a, vawiin pawh hi hrehawmna. Naktuk pawh beidawnna khua ti sei thlawn mai mai tur ani. A harhfim chang hian a mitthlaah nula Pakhat a lo lang thin a. Chu nula a lo hmangaih thin chu khawvela a inchhirna tawp hleithei lo siamsaktu chu a ni. A chhia leh tha pawh thlu lovin hmingchhiat leh mualpho pawh a dawn thei tawh lo. Chu tlangval chu a nula in a kalsan ni atang khan a nun a buai a. Tlangval zu ngawl vei leh that tum loa an tih pawn a ngai pawimawh tawh lo. Khawvel hi chenna tlakah a ngai tawh lova dam ai thihna hian a nun hrehawmna a tihdam theih a ring a ni. Mahni inthah em chu a hreh deuh avangin zu lama tlan chu a ni.
A nun chhungril beidawnna hi a nasat tawh em avangin Pathian thu hmang pawha thawi dam theih a ni tawh lo. A thawi dam thei tu berin khiang a awi san tawh si. Rinawmna thutiam vawng nunga piallei thuahriat hnuaia an zalh hun thlenga zu dawt chu a thuthlukna a ni. Ni e, kum nga chhung teh meuh hmangaihna hruikhat vuana hmathlir thui tak nei chunga zirna run bel kha a nia. An duhduhsam ang chu ni se Bible degree a sualchhuah zawh hunah in nei tur kha an ni. Mahse a duhthusam te chu virthli in a len bo pui tawh. Nula pakhat vang maia a nunin chhiat lam a pan ta hi chu amah ngei pawn awm lo a ti ve tho.
Khawvelah hian hmangaih a nei a, huat pawh a nei. Van hnuaiah hian dem em em leh anchhe tinrenga a umzui tak a awm a. Chu chu mihring pakhat a ni. Mahse tuna a dinhmun thlak danglamtu dik tak chu tudang ni lovin ‘amah’ chu a ni tih erawh a inhrechhuak zo si lo. Chu lam pawh a ngaihtuah pha tawh lo.
Comments